Partizani ka tronditur Dinamon e Ilir Dajës duke e mposhtur me rezultatin 2-1.
Derbi tek “Arena e Demave” i pa të kuqtë që të luanin me rezervat, por të fitonin dhe ta nxirrnin Dinamon nga gara për titull kampion.
Dy gola nga Albers Keko u shënuan në pjesën e parë. Në të dytën Koma ngushtoi rezultatin, por dinamovitët nuk arritën të ndryshojnë fatin e takimit.
Partizani e mbyll sezonin pa trajner, pa Europë dhe pa Final Four. Dinamo ndërkohë shpreson të fitojë Kupën, pasi llogaritë për titull kampion tashmë shikohen si të mbyllura.
