Oliver Kahn, ish-portieri i Bayern Munich dhe i Gjermanisë, është shprehur kundër rikthimit të Manuel Neuer në kombëtaren gjermane, një mundësi që trajneri Nagelsmann nuk e ka përjashtuar qartë.
“Nëse Nagelsmann mendon të bëjë tani një ndryshim në portë, do të ishte diçka aventuroze”, – deklaroi Kahn për emisionin “Doppelpass” në Sport1.
Sipas tij, rikthimi i Neuer për të zëvendësuar Oliver Baumann, që ka qenë titullar në eliminatore, do të ndikonte tek i gjithë ekipi dhe do të vinte në dyshim besueshmërinë e trajnerit, i cili do ta shpallë listën për Botërorin 2026 të enjten.
Neuer, 40 vjeç, pati probleme në pulpën e majtë të këmbës në javën e fundit të Bundesligës dhe u zëvendësua. Ka dyshime edhe për finalen e Kupës së Gjermanisë ndaj VfB Stuttgart.
“Korpusi bëhet më i brishtë dhe ka nevojë për më shumë rikuperim. Të luash një Botëror në nivel të lartë do të ishte sfidë e dhunshme për Manuel”, – tha Kahn.
