Skuadra e Feronikelit 74 nga Drenasi është rikthyer në elitën e futbollit të Kosovës.
Skuadra nga Drenasi triumfoi në Prishtinë me rezultat 2:0 ndaj Ramiz Sadikut, në takimin e javës së 34-t të Ligës së Parë të Kosovës.
Futbollisti Kreshnik Bahtiri shënoi në minutën e 20-të, duke i dhënë epërsinë skuadrës së tij. Në minutën e 80-të, Avni Selmani realizoi golin e dytë për 0:2 dhe vulosi fitoren e madhe.
Feronikeli 74 është në vend të dytë me 74 pikë, ndërsa Ramiz Sadiku e mbyll sezonin në pozitën e shtatë me 50 pikë.