Michael Jordan befason Guardiolën në ndarjen nga City

Futboll

Michael Jordan befason Guardiolën në ndarjen nga City

Më: 26 maj 2026 Në ora: 19:30
Pep Guardiola, Michael Jordan

Gjatë ceremonisë lamtumirëse të Pep Guardiolës si menaxher i Manchester Cityt, legjenda e basketbollit Michael Jordan ka dhuruar momentin më special të mbrëmjes përmes një video-mesazhi.

Jordan e përgëzoi spanjollin për karrierën e tij të jashtëzakonshme në Angli, duke i thënë se tani është koha për t'u relaksuar dhe i uroi fat në fushën e golfit, duke ditur pasionin e madh të Pepit për këtë sport.

Reagimi i Guardiolës kur në ekran u shfaq imazhi i Jordanit ishte i paçmueshëm. I mbetur tërësisht pa fjalë dhe i habitur, trajneri legjendar thjesht u shpreh se nuk e dinte që Michael Jordan përgjithësisht e njihte se kush ishte ai.

Një vlerësim maksimal dhe një moment historik, ku sportisti më i madh i të gjitha kohërave nderoi trajnerin më të madh në historinë e futbollit.

comment Për komente lëvizni më poshtë
Sot mund të lexoni Shfletoni kopertinat