Angel Di Maria do të vazhdojë të jetë pjesë e Rosario Central.
Sulmuesi argjentinas ka konfirmuar se do ta vazhdojë kontratën e tij edhe për një sezon tjetër, duke iu dhënë fund spekulimeve për të ardhmen.
Kampioni i botës me Argjentinën e shprehu lumturinë për vazhdimin e aventurës në klubin ku u formua si futbollist, duke theksuar se objektivi i tij më i madh mbetet fitimi i Copa Libertadores.
“Kam vendosur të qëndroj edhe një vit. Ëndrra ime është ta fitoj Libertadores me Rosario Central”, deklaroi Di Maria.
Veterani argjentinas u rikthye te klubi i zemrës pas një karriere të jashtëzakonshme në Evropë, ku i veshi fanellat e klubeve të mëdha si Benfica, Real Madrid, Manchester United, Paris Saint-Germain dhe Juventus.
Vazhdimi i kontratës konsiderohet një lajm i madh për tifozët e Rosario Central, të cilët shpresojnë se përvoja dhe cilësia e Di Marias do ta ndihmojnë ekipin në garën për trofeun më prestigjioz të klubeve në Amerikën e Jugut.
Në moshën 38-vjeçare, Di Maria vazhdon të mbetet një nga figurat më të rëndësishme të futbollit argjentinas dhe synon ta mbyllë karrierën me një sukses historik me klubin ku nisi gjithçka..