E ardhmja e Bernardo Silvës mund të jetë në La Liga, teksa interesimi për mesfushorin portugez po rritet nga klubet më të mëdha të Spanjës.
Sipas raportimeve të gazetarit Jose Felix Diaz, Jose Mourinho e dëshiron Bernardo Silvën te Real Madridi dhe e sheh yllin portugez si një përforcim të rëndësishëm për skuadrën madrilene.
Burimi i njëjtë bën të ditur se tashmë ka nisur një garë e fortë mes tre klubeve gjigante spanjolle për shërbimet e 31-vjeçarit. Përveç Real Madridit, në garë për nënshkrimin e tij janë edhe Barcelona dhe Atletico Madridi.
Bernardo Silva vazhdon të mbetet një nga futbollistët më të vlerësuar në Evropë falë aftësive të tij teknike, vizionit në lojë dhe fleksibilitetit për të luajtur në disa pozita në repartin ofensiv dhe në mesfushë.
Portugezi ka qenë një nga lojtarët kyç të Manchester Cityt në vitet e fundit, duke kontribuar në sukseset e shumta të klubit anglez në arenën vendore dhe evropiane.
Mbetet të shihet se cili prej tre klubeve spanjolle do të arrijë të sigurojë firmën e Bernardo Silvës, në atë që pritet të jetë një nga sagat më interesante të afatit kalimtar veror.