Najdovski i bashkohet Llapit

Futboll

Najdovski i bashkohet Llapit

Më: 13 qershor 2026 Në ora: 19:44
Nikolla Najdovski

Klubi i futbollit Llapi ka prezantuar transferimin e radhës për sezonin 2026/27. 

“Mbrojtësi i majtë Nikolla Najdovski është zyrtarisht futbollist i klubit tonë.

21-vjeçari ka firmosur kontratë të vlefshme deri në verën e vitit 2028, me mundësi vazhdimi edhe për një sezon tjetër.

Najdovski vjen në klubin tonë pas paraqitjeve të tij në elitën e futbollit të Maqedonisë së Veriut, ku ka qenë pjesë e KF Tikvesh (32 paraqitje/4 asistime), ndërsa gjithashtu ka përfaqësuar edhe Kombëtaren U21 të Maqedonisë së Veriut.

Në moshën 21-vjeçare, Najdovski tashmë ka krijuar një përvojë të rëndësishme në futbollin profesionist, ndërsa tek Llapi vjen me synimin për të vazhduar zhvillimin e tij dhe për të ndihmuar ekipin në sfidat e sezonit të ri.

Transferimi i Najdovskit është pjesë e strategjisë së klubit për të ndërtuar një ekip konkurrues dhe me perspektivë për sezonet e ardhshme”, - ka njoftuar KF Llapi..

Sot mund të lexoni Shfletoni kopertinat