Galatasaray apo Aston Villa?

Futboll

Galatasaray apo Aston Villa?

Më: 28 gusht 2026 Në ora: 17:00
Rafael Leao

Rafael Leao është pranë largimit nga Milani, me Aston Villa-n që ka vendosur sulmuesin portugez në qendër të objektivave të saj.

Klubi nga Birminghami është në garë me Galatasarayn, ndërsa oferta e klubit turk nuk ka bindur drejtuesit kuqezi.

Sipas raportimeve të fundit nga Italia, Leao ka dhënë dritën jeshile për Aston Villa-n, e cila i ka ofruar një kontratë me rrogë prej 7.5 milionë eurosh në sezon.

Tashmë mbetet që dy klubet të gjejnë marrëveshjen për kartonin e futbollistit. Aston Villa pritet t’i paraqesë Milanit dy formula: një transferim të përhershëm prej 45 milionë eurosh, bonuse të përfshira, ose huazim me pagesë prej 8 milionë eurosh dhe detyrim blerjeje për 42 milionë euro, për një total prej 50 milionë eurosh.

Për situatën e Leaos foli edhe trajneri Ruben Amorim, në prag të ndeshjes Milan-Venezia të javës së dytë të Serie A 2026/27.

Amorim e cilësoi portugezin një futbollist shumë të fortë dhe tha se një lojtar mund të arrijë në një moment të karrierës kur duhet të ndryshojë ambient.

Sot mund të lexoni Shfletoni kopertinat