Pedro largohet nga grumbullimi i Brazilit, zëvendësohet nga Martinelli

Futboll

Pedro largohet nga grumbullimi i Brazilit, zëvendësohet nga Martinelli

Më: 17 shtator 2026 Në ora: 11:12
Pedro

Sulmuesi i Chelseat, Joao Pedro, është tërhequr nga grumbullimi i Kombëtares së Brazilit për shkak të një lëndimi.

Federata Braziliane e Futbollit konfirmoi të mërkurën se 24-vjeçari nuk do të jetë në dispozicion për dy ndeshjet miqësore të radhës ndaj Australisë dhe Indisë.

Në vend të tij është ftuar mesfushori i Fluminense, Martinelli. Federata braziliane, megjithatë, nuk ka bërë të ditur natyrën apo shkallën e lëndimit të Joao Pedros.

Futbollisti i Chelseat ishte rikthyer në listën e Brazilit pas mungesës befasuese në skuadrën e Carlo Ancelottit për Kupën e Botës.

Joao Pedro ka pasur një fillim mbresëlënës të sezonit, duke realizuar tri gola në gjashtë paraqitje dhe duke fituar çmimin e lojtarit të muajit në Premier League për muajin gusht.

Chelsea ende nuk ka dhënë një informacion zyrtar për gjendjen e tij fizike. Pedro luajti të plotë ndeshjen e fundjavës ndaj Hull Cityt, e cila përfundoi 2-2, madje realizoi edhe një gol.

Chelsea do të përballet me Brentfordin të premten, përpara pushimit ndërkombëtar, ndërsa Brazili do të luajë më vonë gjatë këtij muaji ndaj Australisë dhe Indisë.

Sot mund të lexoni Shfletoni kopertinat