Mancini synon trofe

Futboll

Mancini synon trofe

Më: 22 shtator 2026 Në ora: 15:39
Roberto Mancini

Roberto Mancini ka vendosur objektivin që Italia të rikthehet te trofetë brenda katër viteve, duke nisur nga Liga e Kombeve.

Trajneri italian kërkon që skuadra të fokusohet fillimisht te ndeshja e ardhshme ndaj Belgjikës dhe të luajë me më shumë qetësi. Për shkak të një cikli prej katër ndeshjesh në dhjetë ditë, Mancini pritet t’u japë hapësirë shumë prej lojtarëve të rinj të grumbulluar.

Formacioni bazë pritet të jetë 4-3-3, me mundësinë e kalimit në 4-2-3-1. Donnarumma, Barella, Calafiori dhe njëri mes Tonalit e Frattesit janë veteranët që pritet të kenë rol të rëndësishëm. Në mbrojtje, Scalvini pritet të formojë dyshen me Mancinin në mungesë të Bastonit të pezulluar, ndërsa Kayode dhe Calafiori mund të luajnë në krahë.

Alessandro Romano pritet të marrë menjëherë rolin e organizatorit, ndërsa në sulm Pio Esposito është kandidati më i sigurt për një vend titullari.

Mancini planifikon të përdorë edhe Zaniolon, Keanin, Cambiaghin, Vergaran, Daniel Maldinin, Raspadorin dhe Inacion, duke e konsideruar Ligën e Kombeve një kompeticion të rëndësishëm për të krijuar siguri te Italia.

Sot mund të lexoni Shfletoni kopertinat