Bayern Munich e deklason Leipzig

Futboll

Bayern Munich e deklason Leipzig

Më: 17 tetor 2026 Në ora: 22:13
Luis Diaz

Bayern Munich e ka mposhtur RB Leipzig me rezultat të thellë 6:1 në stadiumin “Allianz Arena”, duke u ngjitur në krye të Bundesligës. Ylli i mbrëmjes ka qenë Luis Diaz, i cili i ka shënuar tri gola.

Skuadra bavareze e ka nisur ndeshjen me ritëm të lartë dhe e ka zhbllokuar rezultatin përmes Diaz, pas një pasimi nga Joshua Kimmich. Pak më vonë, Aleksandar Pavlovic e ka dyfishuar epërsinë, pasi ka përfituar nga pasimi i Diaz.

Bayern e ka vazhduar dominimin dhe Michael Olise e ka shënuar golin e tretë në minutën e tridhjetë e katërt, pas një pasimi nga Harry Kane.

Diaz ka realizuar golin e dytë personal në minutën e dyzet e shtatë, me një goditje të saktë në këndin e poshtëm të portës. Më pas, Kane e ka shënuar golin e katërt të Bayern, në paraqitjen e tij të njëqindtë në Bundesligë.

Diaz e ka kompletuar tregolëshin në minutën e gjashtëdhjetë e nëntë, duke shënuar një tjetër gol pas depërtimit nga krahu dhe goditjes në këndin e largët të portës.

Leipzig ka arritur ta shënojë golin e nderit përmes Andrija Maksimovic, por kjo nuk e ka ndryshuar rrjedhën e ndeshjes.

Bayern e ka regjistruar një fitore bindëse dhe është ngjitur në krye të tabelës, duke lënë pas Borussia Dortmund dhe Freiburg. Kjo ka qenë edhe fitorja e katërt radhazi e bavarezëve në përballjet direkte me Leipzig.

Sot mund të lexoni Shfletoni kopertinat