Ndeshja mes Egnatias dhe Teutës prodhoi një moment të frikshëm në fushë, ku protagonist u bë mbrojtësi Eljon Sota.
Mbrojtësi i rrogozhinasve pësoi një dëmtim të rëndë teksa po përpiqte të ndiqte aksionin.
E gjithë skena ndodhi pas minutës së 48-të, ku ndeshja u ndërpre për disa minuta, ku stafi mjekësor u fut menjëherë në fushë për t’i ardhur në ndihmë lojtarit.
Duke marrë në konsideratë dhe shkallën e dëmtimit, pritet që mungesa e Sotës do të jetë e gjatë, ndërsa lojtari me gjasë ka mbyllur edhe vitin.
Një tjetër lajm i keq ky për Nevil Deden, i cili krahas axhendës së ngjeshur të kalendarit të ndeshjeve, i duhet të vuajë dhe pasojat e dëmtimeve. Rasti i fundit i Eneo Bitrit që mungoi për disa javë, ndërsa Soumalia Bakayoko vijon të jetë jashtë.