Kush është goleadori që po “thyen” parashikimet në Superiore!?

Futboll

Kush është goleadori që po “thyen” parashikimet në Superiore!?

Më: 31 tetor 2026 Në ora: 14:44
Abissnet Superiore

Nuk ka diskutime, Bernard Karrica po përjeton sezonin më të mirë në karrierë.

Sulmuesi i Vorës ka statistika të pakonkurrueshme nga rivalët në Superiore, 6 gola dhe 2 asiste në 9 paraqitje.

Vetëm në 5 ndeshjet e fundit me ekipin vorak, 25-vjeçari numëron 5 finalizime dhe 1 asist, më shumë gola se skuadra e Partizanit në këtë segment ndeshjesh, 4 të tillë.

Pas tregolëshit ndaj “Demave të Kuq”, Karrica e bëri të qartë se objektivi personal është trofeu i golashënuesit në Superiore, ku deri tani po e bën më së miri “detyrën” para kuadratit rival.

Pavarësisht se në elitën e futbollit shqiptar gjenden emra me “peshë” si Albanese, Xhixha, Adjessa apo Lorenco Vila, Karrica po demonstron tjetër “nivel”.

Sot mund të lexoni Shfletoni kopertinat