Problem i madh për të gjithë te Bashkimi nga Kumanova.
Kjo pasi skuadra nga Kumanova ka mbetur pa futbollistin e saj më të mirë.
Luis Ribeiro ka bërë të ditur përmes rrjeteve sociale se po largohet nga skuadra e Superligës së Maqedonisë së Veriut, duke i falënderuar njëkohësisht tifozët e klubit për mbështetjen e deritanishme.
Është e qartë se ky është një goditje e madhe për Bashkimin dhe ambiciet e tij, të cilat lidhen me sigurimin e mbijetesës në elitën e futbollit.
Deri më tani nuk ka pasur ndonjë reagim nga vetë klubi. Ndërkohë, Ribeiro nuk ka dhënë ndonjë shpjegim të hollësishëm për vendimin e tij, përveçse ka bërë të ditur se largimi ka ardhur për arsye personale.
Ndryshe, portugezi, i cili posedon edhe pasaportë gjermane, fillimisht ka luajtur në Maqedoninë e Veriut për Shkupin, përpara se të transferohej te Bashkimi i Kumanovës.