Xhaka lëndohet dhe mungon te Zvicra ndaj Sllovenisë e Skocisë

Futboll

Xhaka lëndohet dhe mungon te Zvicra ndaj Sllovenisë e Skocisë

Më: 10 nëntor 2026 Në ora: 13:06
Granit Xhaka

Kapiteni i Zvicrës, Granit Xhaka, nuk do të luajë dy ndeshjet e fundit të kombëtares këtë vit. Federata Zvicerane e Futbollit konfirmoi mungesën e tij.

Xhaka u lëndua në shputën e këmbës të dielën, në fitoren 1:0 të Sunderlandit ndaj Chelseat në Premier League. Ai u largua nga fusha qysh në minutën e katërt, pa pasur kontakt me ndonjë kundërshtar.

Zvicra luan ndaj Sllovenisë më 13 nëntor dhe ndaj Skocisë më 16 nëntor, në Ligën e Kombeve. Asaj i mjafton një pikë për t’u rikthyer në Ligën A.

Për ta zëvendësuar, trajneri Murat Yakin ftoi Isaac Schmidt dhe Roggerio Nyakossi. Përveç Xhakës, mungon edhe Miro Muheim për probleme muskulore, ndërsa Ruben Vargas do t’i bashkohet ekipit më vonë për arsye shëndetësore.

Për 34-vjeçarin, që është lojtari me më shumë paraqitje në historinë e kombëtares zvicerane, kjo është një tjetër mungesë këtë vjeshtë. Ai i kishte humbur edhe katër ndeshjet e shtatorit dhe tetorit, pasi doli në dritë një certifikatë e rreme Covid-i nga viti 2022.

Sot mund të lexoni Shfletoni kopertinat