Kastrioti lider! Beqiri: Këtë sezon do të jemi krejt ndryshe

Hendboll

Kastrioti lider! Beqiri: Këtë sezon do të jemi krejt ndryshe

Nga: Kemajl Goca Më: 24 shtator 2021 Në ora: 15:33
Blerim Beqiri

Shumë kush dyshonte se Kastrioti do të arrinte fitore në hapje të kampionatit (meshkujt), por ia doli me rezultat bindës (35:24) ndaj Drenicës vendase.

Kryetrajneri i Kastriotit, Blerim Beqiri, është i kënaqur me angazhimin e hendbollistëve të tij dhe beson e shpreson se do të jenë edhe më të mirë.

Ferizajasit në saje të fitores më bindëse në javën e parë, kryesojnë me 2 pikë, duke lënë pas Besa Famgas 2, Trepçën 2, Rahovecin 2 pikë etj. 

 “Kemi startuar me fitore dhe të gjithë lojtarët janë aktivizuar, të gjithë janë mirë të përgatitur sepse kemi filluar stërvitjet me kohë dhe jam i kënaqur me angazhimin dhe disiplinën e treguar.

Kastrioti sigurisht që do të jetë në tri pozitat e para sepse kemi potencial, i kemi të gjitha kushtet për mu rendit në mesin e katër ekipeve. Këtë sezon do të jemi krejt ndryshe”, thotë Beqiri për gazetën kombëtare “Bota sot”. 

Çfarë i duhet më shumë Kastriotit në vazhdim të kampionatit, sa jeni i kënaqur me fond të lojtarëve?

“Kastrioti për me rivalizuar Besën i duhen edhe disa lojtarë edhe pse me këtë fond që e kemi të lojtarëve, jam i kënaqur shumë. 

Po shumë shpejt do ta shikon pasqyrën e Kastrioti”, tha Beqiri.

Kastrioti përgatitet për sfidën e radhës për fitoren e dytë rresht, ku përballen me rivalin e vjetër Trepçën nga Mitrovica.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat