Ashtu si në edicionin e kaluar edhe në këtë edicion do të ndeshen në Kupën e Evropës në hendboll (meshkujt), kampioni i Kosovës, Besa Famgas nga Peja dhe Borci i Banjallukës, skuadër nga Republika Srpska e cila garon në Kampionatin e Bosnjës dhe Hercegovinës.
Si zakonisht, mediat e Banjallukës provokojnë, siç është “Mondo.ba’. duke shkarravitur se “shorti donte që të kishin rival një përfaqësues nga e ashtuquajtura Kosova, ekipi i Besa Famgas”. Serbët e Banjallukës ia kanë frikën Besës.
Ndryshe nga viti i kaluar, ndeshja e parë këtë herë luhet në Banjallukë, me 17 tetor dhe ndeshja e kthimit është shtatë ditë më vonë në Pejë.
"Ata janë një ekip shumë me përvojë dhe cilësore, e cila ka lojtarë vërtet të mirë”, tha mes të tjera drejtori i klubit të Borcit, Vladimir Brankoviq.
