Prishtina favorite, Kastrioti në presion të Deçanit

Hendboll

Prishtina favorite, Kastrioti në presion të Deçanit

Më: 14 tetor 2021 Në ora: 23:52
Prishtina favorite, Kastrioti në presion të Deçanit

Superliga e Kosovës në hendboll vazhdon me ndeshjet e javës së pestë. Për shkak se zgjedhjet lokale mbahen në Kosovë të dielën, ndeshjet luhen të premten e të shtunën.

Takimi i parë është në Rahovec, të premten nga ora 18:30. Takohen Rahoveci dhe Zhegra. Rahoveci është i gjashti me 4 pikë. Ndërkohë Zhegra është e fundit, pa pikë.

Të premten është edhe takimi Prishtina – Drenica, që zhvillohet prej orës 19:00. Prishtina është favorite e madhe. Prishtina renditet e treta me 6 pikë, kurse Dernica i ka 2 pikë në vendin e tetë.

Trepça synon të vazhdoj me bilanc të qindpërqindtë në Superligë. “Xehetarët” të shtunën nga ora 18:00 e presin Llapin. Trepça është e dyta me 8 pikë, sa i ka edhe Besa Famgas në vendin e parë. Llapi ka pasur fillim të suksesshëm të edicionit dhe renditet i katërti me 6 pikë.

Rivalitet pritet në takimin Deçani – Kastrioti, që është të shtunën nga ora 19:00. Deçanasit po kërkojnë pikët e para në Superligë, ndërsa ferizajasit të kthehen te fitorja pas tri dështimeve rresht. Kastrioti është i shtati me 2 pikë, ndërsa Deçani i parafundit (9), pa pikë.

Ndeshja Besa Famgas – Vëllaznimi zhvillohet më vonë pasi skuadra pejane ka ndeshje evropiane.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat