Muqolli para ndeshjes evropiane kundër ekipit serb: Gjasat janë 50 me 50

Hendboll

Muqolli para ndeshjes evropiane kundër ekipit serb: Gjasat janë 50 me 50

Nga: Kemajl Goca Më: 15 tetor 2021 Në ora: 18:12
Muqolli para ndeshjes evropiane kundër ekipit serb: Gjasat janë 50 me 50

Besa Famgas nga Peja, kampion i Kosovës, të dielën në mbrëmje do të zhvillojë ndeshjen e parë të rrethit të dytë të Kupës së Evropës në hendboll (meshkujt).

Pejanët janë të përgatitur dhe e njohin mirë rivalin nga Banjalluka, ekipin serb Borci, e cila garon në Kampionatin e Bosnjës dhe Hercegovinës, me të cilën janë ndeshur disa herë në garat zyrtare.

Media serbe, “Monda.ba”, ka shkruar për Besa Famgas.    

“Trajneri i Besa Famgas, Arben Muqolli nuk mendon se skuadra e tij është favorite në duelin e ri të ardhshëm kundër Borcit m: tel të Banjallukës në raundin e dytë të Kupës Evropiane EHF, por ai vuri në dukje se gjasat për të kaluar më tej janë të barabarta”, shkruan mes të tjera ky medium.

"Krahasuar me ekipin e sezonit e kaluar, ne mbetëm pa tre hendbollistë të rëndësishëm.

Spanjolli Victor Alonso Garcia u largua së bashku me trajnerin Javier Cabanas, greku Haralampos Mallios nuk është më me ne dhe ne mbetëm pa një lojtar të rëndësishëm mbrojtësin Bujar Ramosaj. Nikola Prçe,  anëtar i ekipit kombëtar të Bosnjës, është asistent im në stafin profesional", tha Muqolli.

"Ashtu si vitin e kaluar, gjasat për të kaluar më tej janë 50:50. Jam i sigurt që ata mendojnë kështu edhe në klubin e Banjallukës", - tha Muqolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat