Istogu i pafat, mposhtet në minutat e fundit nga kampionja e Islandës

Hendboll

Istogu i pafat, mposhtet në minutat e fundit nga kampionja e Islandës

Nga: Kemajl Goca Më: 15 tetor 2021 Në ora: 18:50
Istogu i pafat, mposhtet në minutat e fundit nga kampionja e Islandës

Nënkampionja e Kosovës, Istogu, ishte shumë afër rezultatit pozitiv por e tradhtuan 7 minutat e fundit të ballafaqimit.

Istogu mposhtet me rezultat 26:22 (11:12) nga kampionja e Islandës, Ka/Por, në sfidën e parë të rrethit të dytë të Kupës së Evropës (femrat).

Istogu shkoi në pushim me rezultat 12:11 por në pjesën e dytë nuk iu priu edhe fati edhe bënë disa gabime, kësisoj mundet nga rivalja.

Në minutën e 11-të, hendbollistet e Istogut ishin në epërsi me 3 gola (4:1), ndërsa në vazhdim u zhvillua rivalitet i madh.

Në minutën e 17-të, barazohet rezultati 8:8, mysafiret kalojnë në epërsi me 8:9 dhe në fund të pjesës së parë Istogu avancon me 12:11.

Pjesa e dytë sikur e para, me rivalitet të madh.

Në minutën e 46 rezultati baras (19:19) sikurse edhe në të atë të 50-tin (21:21).

Mysafiret shënuan fitore me rezultat 26:22, për të cilat është një epërsi e mirë për takimin e kthimit përkatësisht nesër (18:00) po ashtu luhet në Istog sipas marrëveshjes së ekipeve.

Hendbollistja Unnur Omarsdottir me 7 gola është më efikasja të islandezet, e ndihmuar nga Asta Heimisdottir me 5 gola, ndërsa Esma Muratoviq u veçua me 12 gola të Istogu.

Kryetrajneri Faruk Shala është në telashe sepse duhet të kërkojë përmbysjen e këtij rezultatit, për t’u kualifikuar më tej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat