Besa - besë, kampioni i Kosovës shkatërron ekipin e Republika Srpska-s

Hendboll

Besa - besë, kampioni i Kosovës shkatërron ekipin e Republika Srpska-s

Nga: Kemajl Goca Më: 24 tetor 2021 Në ora: 18:49
Besa - besë, kampioni i Kosovës shkatërron ekipin e Republika Srpska-s

Me këngën Besa – besë, Besa Famgas nga Peja kualifikohet në rrethin e tretë të Kupës së Evropës në hendboll (meshkujt).   

Besa Famgas shkatërron me rezultat 29:22 (18:14) ekipin nga Republika Srpska, Borcin nga Banjalluka, në ndeshjen e kthimit që u zhvillua në palestrën e sportit në Pejë.

Djelmoshat e kryetrajnerit Arben Muqolli treguan lojë të madhe që nga minuta e parë e deri në fund, duke thelluar fitoren. Pejanët iu revanshuan Borcit për humbjen në Banjallukë, me rezultat 28:25 dhe në një atmosferë armiqësore në palestrën “Borik”.  

Tre gola epërsi (8:5) për Besën në minutën e 15-të. 

Ndeshja gjithnjë e më e fortë në minutat vijues, në minutën e 23-të, Besa ishte në epërsi me 4 gola (14:10) ndaj ekipit që  garon në Kampionatin e Bosnjës e Hercegovinës.

Në minutën e 27-të ngushtohet rezultati në 14:12.

Portieri Mursel Mehmeti po tregon formë të mirë së bashku me hendbollistët Egzon Gjuka, Kastriot Jupa, Nikolla Prcen e etj. Gjuka ishte fantastik duke shënuar 7 gola.  

Në palestrën e sportit “Karagaçi” në Pejë, nuk ishin më shumë se 200 shikues sepse nuk u lejuan me shumë për shkak të rregullave të kohës së pandemisë.

Pjesa e parë përfundoi me katër gola dallim (14:10).

Në pjesën e dytë Besa tregoi lojë të madhe, në shumicën e kohës udhëhoqi me 6-7 gola. 

Në minutën e 51-të, Besa ishte në epërsi me 7 gola (27:20). Borci nuk kishte fuqi t’i kundërvihet trimave pejan, që me mençuri administruan lojën. 

Besa shënon fitore me 29:22 dhe kualifikohet në rrethin e tretë të Kupës së Evropës. Egzon Gjuka ishte më efikasi me 7 gola. Nikola Prce i realizoi 6 gola, ndërsa Deniz Terziqi e Kastriot Jupa realizuan nga 4 sosh. 

Peja në festë, gëzim i madh edhe të presidenti i klubit Hamëz Idrizi..

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat