Istogu demolon Vushtrrinë, nëntë fitore rresht!

Hendboll

Istogu demolon Vushtrrinë, nëntë fitore rresht!

Nga: K.G. Më: 13 nëntor 2021 Në ora: 20:06
Istogu demolon Vushtrrinë, nëntë fitore rresht!

Kryetrajneri i Istogut, Faruk Shala, është sikur në qiellin e shtatë, nuk ka kush i del para në nëntë javët e para në Superligën e Kosovës.

Istogu e demolon me rezultat 31:16 (14:9) kampionen në fuqi, Vushtrrinë, në takimin e javës së nëntë.

Vashat e Istogut e zotëruan ndeshjen, duke udhëhequr me 5 gola (14:9) në pjesën e parë. 

Pjesa e dytë ishte fatale për mysafiret, vashat e Istogut e zbrazën tërë arsenalin.

Hendbollistja Esma Muratoviq është më efikasja me 10 gola, e ndihmuar nga Albina Rugova me 7, Anja Bojaniq 4, Pranvera Ferataj 4, Yllka Shatri 3, Natalia Milatoviq 1, Dajana Miljaniq 1 Adelina Berisha 1. 
Lorena Matarova me 7 gola është më efikasja të mysafiret.

Istogu kryeson me 18 pikë, duke lënë pas Vushtrrinë dhe Prishtinën, secila nga sosh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat