Besa Famgas vendoset në Turda të Rumanisë

Hendboll

Besa Famgas vendoset në Turda të Rumanisë

Më: 4 dhjetor 2021 Në ora: 14:02
Besa Famgas vendoset në Turda të Rumanisë

Pas një udhëtimi prej 36 orësh, skuadra pejane e hendbollit, Besa Famgas, është vendosur në Turda të Rumanisë.

Kampionia e Kosovës, Besa Famgas, të dielën prej orës 17:00 përballet me skuadrën e madhe rumune, Potaissa Turda, në ndeshjen e kthimit të rrethit të tretë të Kupës Evropiane.

Ndeshjen e parë, të luajtur të dielën e kaluar në Pejë, Besa e fitoi me rezultat 30:28. Përkundër telasheve gjatë udhëtimit, pejanët janë të vendosur që të japin më të mirën në tentim për të kaluar në raundin tjetër. Të kujtojmë që Potaissa Turda në vitin 2018 e ka fituar Kupën Sfiduese, që ndërkohë është zëvendësuar me Kupën Evropiane.

Delegacioni i Besës nuk është lejuar që të hyjë në Rumani nga territori i Serbisë dhe për këtë arsye udhëtimi është zgjatur shumë.

Kështu vazhdojnë telashet e sportistëve kosovarë për lëvizje të lirë. Besa në Turda është vendosur në orët e para të së shtunës. Pasdite skuadra pejane e zhvillon një stërvitje në palestrën ku luhet ndeshja.

Kalimi i Turdas do të ishte sukses historik për Besën dhe për hendbollin kosovar në përgjithësi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat