Kosova e pafat në Greqi

Hendboll

Kosova e pafat në Greqi

Nga: Kemajl Goca Më: 9 janar 2022 Në ora: 15:41
Kosova e pafat në Greqi

Kombëtarja e Kosovës pëson edhe një humbje në parakualifikueset për Kampionatin Botëror në hendboll.

Greqia ka shënuar fitore me rezultat 26:25 (14:9) ndaj Kosovës, në ndeshjen që u zhvillua në palestrën e sportit në Heraklion – Kreta. 

Edhe një humbje për Dardanët, aq më keq nuk kanë shënuar asnjë fitore në Grupin 1. 

Greqia sot vargon fitoren e katërt dhe matematikisht siguron kalimin në fazën tjetër të kualifikueseve, ndërsa Kosova ka pak shpresa për ndonjë gjë të tillë.

Në periudhën e parë të lojës, Greqia e nisi më mirë, duke avancuar me 5:1, pastaj barazohet rezultati 8:8, për t’u përmbyllur pjesa e parë me 14:9 në favor të Greqisë. 

Pjesa e dytë ka qenë interesante, Kosova ishte në disavantazh me 23:18. Megjithatë në minutën e 51-të ngushton rezultatin në 23:21.

Nëntë minutat e fundit, dramë në vete. Në minutën e 54-të, Kosova ngushton rezultatin në 23:22, 24:23.

Grekët fitojnë me rezultat 26:25 ndaj Kosovës. Dardanët  edhe këtë sfidë të pafat.

Hendbollisti Valon Dedaj është më i dalluari në radhët e Kosovës, me gjithsej 6 gola, i ndihmuar nga Egzon Gjuka 4, Drenit Tahirukaj 3, Luigj Quni 3, Bujar Ramosaj 3, Drilon Tahirukaj 2, Lulzim Shabani 2, Shaban Zogaj 2.  

Me 5 gola Mallios, Charalampos më efikasi ka qenë të grekët, i  ndihmuar nga Evangelos Arampatzis 4.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat