Ahmet Petrova nderohet për vepër jetësore dhe kontribut nga FHK-ja

Hendboll

Ahmet Petrova nderohet për vepër jetësore dhe kontribut nga FHK-ja

Nga: Kemajl Goca Më: 27 janar 2022 Në ora: 13:00
Ahmet Petrova nderohet për vepër jetësore dhe kontribut nga FHK-ja

Federata e Hendbollit e Kosovës, si gjithmonë edhe kësaj radhe ka nderuar disa personalitete të veçanta me çmimin për vepër jetësore.  

Ahmet Hysenaj – Petrova është nderuar me mirënjohje për vepër jetësore dhe kontributin e dhënë në hendbollin e Kosovës për dekada të tëra.

Petrova ka dhënë shumë për hendbollin, që nga koha kur ka qenë pjesë e rangut më të lartë federativ të hendbollit, me ekipin ish Borci (tani KH Kastrioti) nga Ferizaj. 

Image

Ahmet Petrova pranon çmimin për vepër jetësore nga Eugen Saraçini, kryetar i FHK-së

Petrova ka qenë anëtar i kryesisë së ish Borcit pastaj ka ardhur kryetar në vitin 1988 kur garonin në ligën e parë ish jugosllave.

Po ashtu ka qenë edhe kryetar i parë KH Kastriotit nga Ferizaj në kohën e pavarësimit të sportit, duke fituar Kupën dhe titullin e parë të Kampionatit të parë të pavarur të Kosovës.

Ai ka qenë kryetar i KH Kastriotit edhe pas luftës për shumë vite, një periudhë të gjatë edhe në ekipin e femrave të Kastriotit, duke fituar tre tituj e katër kupa të Kosovës. Petrova -  gjysmë shekulli me hendboll dhe sport.

Në ceremoninë e hendbollit për vepër jetësore u nderuan edhe prof. Xhemail Kasumi, Haki Baftiu, Ahmet Baliqi e Zijavere Salihu – Loshi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat