Vushtrria e Ferizaj shpresojnë të barazojnë rezultatin

Hendboll

Vushtrria e Ferizaj shpresojnë të barazojnë rezultatin

Më: 22 prill 2022 Në ora: 23:03
Vushtrria e Ferizaj shpresojnë të barazojnë rezultatin

Të shtunën janë ndeshjet e dyta në serinë gjysmëfinale të plejofit në Superligën e Kosovës në hendboll (vajzat).

Ndeshjet e para janë luajtur në mesjavë, kurse janë fituar nga Istogu e Prishtina. Këtyre dy skuadrave u mjafton nga një barazim në ndeshjet e dyta për të kaluar në finale të madhe.

Por plane tjera kanë Vushtrria e Ferizaj.

Kampionia aktuale, Vushtrria, të shtunën prej orës 17:30 takohet me Istogun, që nuk di për humbje këtë edicion.

Vushtrria llogarit në përkrahje të shikuesve në tentim për të barazuar rezultatin në 1:1 dhe për të siguruar ndeshjen e tretë që do të luhej në Istog.

Ndërkohë Ferizaj pret të shfaq dukshëm më tepër se në ndeshjen e parë ndaj Prishtinës. Ndeshja Ferizaj –

Prishtina luhet po ashtu të shtunën nga ora 17:30. Në “Bill Clinton” pritet ndeshje e bukur dhe me rivalitet, njëjtë si në Vushtrri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat