Besa për të vazhduar dominimin, Prishtina për kthesën e madhe

Hendboll

Besa për të vazhduar dominimin, Prishtina për kthesën e madhe

Më: 29 prill 2022 Në ora: 14:25
Besa për të vazhduar dominimin, Prishtina për kthesën e madhe

Besa Famgas e Prishtina janë në finale të plejofit në Superligën e Kosovës në hendboll (meshkujt).

Skuadra që shënon dy fitore apo që fillimisht shënon një fitore e një barazim, shpallet kampione. Ndeshja e parë finale luhet të shtunën mbrëma nga ora 20:30 në palestrën “Karagaçi” në Pejë.

Besa Famgas gjatë stinorit të rregullt nuk ka pasur konkurrencë. I ka fituar të gjitha 28 ndeshjet. Në gjysmëfinale të plejofit pa telashe e kaloi Rahovecin pas dy ndeshjeve.

Prishtina ishte e dyta me bilanc prej 22 fitore, një barazim e pesë humbje. Në gjysmëfinale të plejofit prishtinasit e kaluan Trepçën, po ashtu pas dy ndeshjeve. Forma e Prishtinës në gjysmëfinale ishte më e mirë se në stinorin e rregullt dhe te kjo skuadër shpresojnë për ngritje të mëtejme të nivelit në ndeshjet finale ndaj Besës.

Dy skuadrat në përbërje kanë plot reprezentues të Kosovës, andaj pritet shfaqje e bukur hendbolli.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat