Besa Famgas e bën hapin e madh drejt titullit të kampionit

Hendboll

Besa Famgas e bën hapin e madh drejt titullit të kampionit

Më: 1 maj 2022 Në ora: 00:24
Besa Famgas e bën hapin e madh drejt titullit të kampionit

Besa Famgas e ka fituar ndeshjen e parë finale të plejofit në Superligën e Kosovës në hendboll. Skuadrës pejane tani i duhet edhe një fitore apo një barazim për ta mbrojtur titullin e kampionit.

Finalja e parë në mes të Besës dhe Prishtinës u luajt të shtunën mbrëma në palestrën “Karagaçi” në Pejë dhe përfundoi me rezultati 38:30 në të mirë të skuadrës vendase. Besa ka vazhduar me fitore këtë edicion. Ishte fitorja e 31-të kampionale.

Pejanët nisën herët shkëputjen në rezultat, ndërsa pas pjesës së parë kishin epërsi prej shtatë golash (17:10). Epërsia e Besa Famgas ishte bindëse edhe në pjesën e dytë. Në fund dallimi ishte tetë gola, 38:30.

Egzon Gjuka ishte më efikasi te Besa me 12 gola. Nga 5 i shënuan Nikola Prce e Denis Shabanoviq.
Te Prishtina, 9 gola i realizoi Oltion Beshiri. Agon Bajqinovci, Beni Syla e Festim Mustafa shtuan nga 5.

Ndeshja e dytë finale luhet në mesjavën e ardhshme në Prishtinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat