Sukses i madh i Qunit, fiton Kupën e Zvicrës

Hendboll

Sukses i madh i Qunit, fiton Kupën e Zvicrës

Më: 8 maj 2022 Në ora: 11:39
Sukses i madh i Qunit, fiton Kupën e Zvicrës

Hendbollisti i Kombëtares së Kosovës, Luigj Quni, ka arritur sukses të madh të shtunën mbrëma.

Quni ka bërë befasi të madhe me skuadrën GC Amicitia Zuerich. GC Amicitia e ka mposhtur favoritin, Pfadi Winterthur për ta fituar Kupën e Zvicrës në hendboll.

Skuadra e Qunit ka fituar finalen me rezultatin 30:28, pas vazhdimeve. Koha e rregullt prej 60 minutave përfundoi 25:25. Winterthuri ishte thuajse vazhdimisht në epërsi, por GC Amicitia barazoi rezultatin në fund. Ndërsa pas vazhdimeve siguroi trofeun e çmuar.

Pivoti i Kombëtares sonë ishte prej më të mirëve te Amicitia. Shënoi pesë gola nga shtatë tentime. Quni është kapiten i skuadrës kurse në muajin shkurt e ka vazhduar kontratën me Amicitian.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat