Besa Famgas demolon Prishtinën, në finale ndeshet me Kastriotin

Hendboll

Besa Famgas demolon Prishtinën, në finale ndeshet me Kastriotin

Më: 14 maj 2022 Në ora: 22:42
Besa Famgas demolon Prishtinën, në finale ndeshet me Kastriotin

Besa Famgas e Pejës është kualifikuar në finale të Kupës së Kosovës në hendboll në konkurrencë të meshkujve.
Besa në gjysmëfinale e kaloi Prishtinën, ndaj të cilës fitoi me rezultat të thellë, 50:35..

Ndeshja u luajt të shtunën mbrëma në palestrën “Bill Clinton” në Ferizaj.

Në të njëjtën palestër të dielën nga ora 17:30 është finalja me Kastriotin.

Vetëm fillimi i ndeshjes ishte i barabartë. Pejanët herët nisën shkëputjen dhe pas 30 minutave rezultati ishte 25:18 në të mirë të Besës.

Në pjesën e dytë epërsia e Besës vetëm sa është rritur. Dallimi në cilësi, në bazë të asaj që kanë shfaqur skuadrat, ishte i madh.

Te Besa më i miri u shpall kapiteni Nikola Prce. Ai i shënoi 7 gola, sa i kishte edhe Denis Shabanoviq.

Te Prishtina lojtari më i mirë u shpall Rron Ramadani. Më efikasi ishte Oltion Beshiri me 7 gola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat