Besa Famgas në një tjetër finale

Hendboll

Besa Famgas në një tjetër finale

Më: 11 qershor 2022 Në ora: 20:32
Besa Famgas në një tjetër finale

Besa Famgas do të paraqitet në një tjetër finale. Këtë herë është grupmosha e pionierëve e klubit pejan që ka arritur në finale të kampionatit të Kosovës në hendboll.

Pionierët e Besës të shtunën në gjysmëfinale e mposhtën Llapin me rezultat 30:19. Ndeshja u luajt në palestrën e qytetit në Istog.

Olsi Mulaj, Jon Gashi e Amar Muqolli i realizuan nga 6 gola për Besa Famgas. 5 i kishte Diar Idrizi. Te Llapi, Durim Talla i shënoi 5 gola. Lisian Gashi e Edi Lushaku i shënuan nga 4 gola.

Të dielën në finale, Besa Famgas takohet me Istogun. Ndeshja finale luhet në Istog nga ora 11:30. Ndërsa për vend të tretë, prej orës 10:00, luajnë Deçani e Llapi.

Besa ka fituar titullin e kampionit te seniorët, juniorët dhe kadetët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat