Deçani e ka fituar ndeshjen për vendin e tretë në Ligën e Pionierëve të Kosovës në hendboll.
Të dielën paradite në Istog, Deçani fitoi me rezultat të ngushtë, 20:19, ndaj Llapit.
Bilall Mazrekaj dhe Elijot Selmanaj shënuan nga 4 gola për Deçanin. Kurse te Llapi më efikasi ishte Etnik Bajoku me 7 gola. Nga 5 i realizuan Durim Talla e Edi Lushaku.
Deçani e Llapi me këtë ndeshje kanë përfunduar një edicion të suksesshëm. Në ligën e pionierëve, dy skuadrat kanë dëshmuar se i pret e ardhme e ndritur.
