Rugova: 500 sportistë nga 28 universitete do të zbarkojnë në Kosovë

Hendboll

Rugova: 500 sportistë nga 28 universitete do të zbarkojnë në Kosovë

Nga: K. G. Më: 22 qershor 2022 Në ora: 20:58
Rugova: 500 sportistë nga 28 universitete do të zbarkojnë në Kosovë

Kosova po përgatitet për një ngjarje të madhe të hendbollit, që organizohet në kuadër të Kupës Botërore Universitare.

Kryeqyteti i Kosovës për 7 ditë do të jetë arenë e ndeshjeve të Universiteteve të ndryshme nga bota.

Drejtori i drejtoratit për Rini, Kulturë dhe Sport në komunën e Prishtinës, Granit Rugova, tha se është një ngjatje e veçantë.

“Nga 11 deri më 17 korrik 2022, Prishtina do të jetë kryeqyteti i studentëve të botës falë FISU – Kupës Botërore Universitare në Hendboll 2022.  

500 sportistë nga 28 universitete prej gjithë Globit, në javën e dytë të korrikut, do të garojnë për titullin e më të mirit në botë në hendbollin universitar.

Si Komunë e Prishtinës jemi jashtëzakonisht krenarë që kemi mbështetur këtë aktivitet të mrekullueshëm sportiv, i cili, për një javë do të bëjë Kosovën nikoqire të njërës prej ngjarjeve më të rëndësishme në fushën e sportit.

I ftoj të gjithë studentët, nxënësit dhe të gjithë qytetarët tjerë që ta ndjekin masovisht këtë aktivitet fantastik - që Kryeqytetit tonë do ti jap hijeshi, vëmendje dhe energji pozitive.

Urime Federata e Sporteve Universitare e Kosovës për këtë arritje të madhe dhe suksese në një organizim fantastik!”, ka shkruar Rugova në profilin e tij në facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat