Demaj: Nuk do të jetë lehtë, por shpresoj se ia dalim

Hendboll

Demaj: Nuk do të jetë lehtë, por shpresoj se ia dalim

Më: 29 qershor 2022 Në ora: 22:26
Demaj

Për ndeshjet me Ishujt Faroe është deklaruar edhe kapitenia e Kombëtares së Kosovës, Leonora Demaj. Demaj për kohë të gjatë luan në Danimarkë, me shumë sukses, dhe i njeh zhvillimet rreth hendbollit në Ishujt Faroe.

Kosova luan me Ishujt Faroe në fazën e parë kualifikuese për Botërorin 2023.

Ndeshjet luhen në nëntor. Ndeshja e kthimit është në Kosovë dhe kjo sipas kapitenes sonë është përparësi. Demaj për shkak të një lëndimi nuk ka luajtur gjatë për Kosovën, që nga viti 2019. Ajo do të kthehet në ndeshjet e nëntorit. Me të në përbërje, Kosova pritet të jetë dukshëm më e fortë.

“Ishujt Faroe kanë përparuar shumë në vitet e fundit. E ka lojën e shpejtë dhe fizikisht lojtaret e Ishujve Faroe janë të forta. I kanë disa lojtare shumë të mira që treguan lojëra të mira kundër Danimarkës së fundi.

Shpresoj të jemi komplet dhe të mos kemi lëndime të tjera. Shpresoj që sidomos si vendase në Prishtinë t’i mposhtim. Nuk është lehtë por shpresoj t’ia dalim”, ka thënë Demaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat