Ndeshja e sotme në kampionatin vendor të hendbollit mes Vushtrrisë dhe Trepçës është ndërprerë, për shkak se tifozët vendas kanë sulmuar lojtarët mitrovicas.
Kur po zhvillohej pjesa e dytë, pas një tollovie mes lojtarëve në parket, portieri i Vushtrrisë vrapon dhe fillon të sulmojë me grushte lojtarët e Trepçës.
Kur pritej ndërhyrja nga lojtarët e tjerë në parket për t’i ndarë, hendbollistët e Vushtrrisë i bashkangjiten sulmit ndaj lojtarëve të Trepçës.
Më pas në parket hynë edhe tifozët vendas dhe filluan të shpërndajnë grushte ndaj lojtarëve mysafirë.
Ndeshja u ndërpre në pjesën e dytë, ndërsa Trepça kishte epërsinë 21:17. Të dy skuadrat kanë siguruar “PlayOff-in”.
