Istogu ka shënuar fitore me rezultat 37:24 (20:10) ndaj Vushtrrisë, në ndeshjen e parë të finales së play-off-it të Superligës së Kosovës (femrat).
Vetëm në minutat e parë Vushtrria ishin rivale e denjë kur rezultati shënonte në semafor 7:6 në favor të Istogut.
Vashat e Istogut morën kontrollin e lojës, me mbrojtje të fortë dhe kundërsulme demoluan vushrriaset.
Istogu
Pjesa e parë përfundoi me rezultat 20:10 për Istogun, epërsi prej 10 gola që i dha komoditet në pjesën e dytë.
Istogu edhe në pjesën ka treguar lojë të mirë duke triumfuar me rezultat 37:24 ndaj Vushtrrisë.
Hendbollistet Dayane Da Rocha me 8 gola e Albina Rugova me 6, janë më efikasit të Istogu.
Ndeshjen e përcollën mbi 1.000 shikues.
Istogu është një fitore apo një barazim larg titullit të kampionit.
Kryetrajneri i Istogut, Faruk Shala është i kënaqur me lojën e vashave të tij dhe pret që në Vushtrri të kremtojnë titullin, që do të kurorëzohej me kurorën e dyfishtë, pasi që pak ditë më parë ka fituar edhe Kupën e Kosovës.
