Përballja e sotme mes Trepçës së Mitrovicës dhe Besa Famgas të Pejës, zgjon kureshtje të madhe nga tifozët dhe pritet që palestra “Minatori” në Mitrovicë të jetë e stërmbushur.
Finalja e dytë e play – off-it të Superligës së Kosovës në hendboll (meshkujt), do të luhet sonte në orën 20.15.
Kryetrajneri i Trepçës Taib Kabashi do të jetë karshi atij të Besës. Nikolla Prce.
A e njeh Prce filozofinë e lojës së Kabashit?
Prce ka kohë që është si hendbollist dhe tani edhe si trajner në Kosovë, sado kudo e ka kuptuar se Kabashi është prej trajnerëve që ka një taktikë të lojës së papërshtatshme dhe kjo u vërejt edhe në ndeshjen finale të Kupës së Kosovës.
Prce e ka përgatitur një strategji tjetër të lojës që do të sfidojë formulën e Kabashit.
Sonte do të shihet se cili e ka strategjinë e lojës fituese.
Trepça synon hakmarrje për humbjen në finalen e parë me 30:27
Skuadra me dy fitore ose një fitore e një barazim do të shpallet kampion i ri.
Kabashi druhet nga finalja e dytë sepse përveç fitorja çdo rezultat tjetër e lë pa titull të kampionit.