Një danez dhe një brazilian të KH Trepça 

Hendboll

Një danez dhe një brazilian të KH Trepça 

Nga: K.Goca Më: 9 gusht 2025 Në ora: 16:20
Mateus Henrique dhe portieri Mike Rahbek

Trepça e Mitrovicës me kryetrajnerin Taib Kabashi nuk e kanë ndërmend të bëjnë gjumin e ariut polar por qysh tani janë në ofensivë që të kompletohen e përforcohen për edicionin e ri.

Klubi me renome ka aspirata që të kthehen në mesin e skuadrave më të mira, në luftë për titull dhe Kupën e Kosovës. 

“Fillojmë me përforcime për edicionin e ri garues.

Kemi siguruar shërbimet e dy hendbollistëve të huaj, që e njohin mirë ligën tonë.

Bëhet fjalë për lojtarin brazilian Mateus Henrique dhe portierin danez Mike Rahbek.

Puna vazhdon për të formuar skuadër sa më garuese”, njofton KH Trepça.

comment Për komente lëvizni më poshtë
Sot mund të lexoni Shfletoni kopertinat