Fitorja e parë për Prishtinën

Hendboll

Fitorja e parë për Prishtinën

Më: 3 tetor 2025 Në ora: 23:01
Pamje nga ndeshja

Prishtina e ka shënuar fitoren e parë në edicionin 2025/2026 në Superligën e Kosovës në hendboll.

Në ndeshjen e parë të xhiros së tretë, të premten mbrëma në Samadrexhë, Prishtina fitoi ndaj Vushtrrisë vendase.

Skuadra prishtinase fitoi me rezultatin 42:36.

Në pjesën e parë skuadra mysafire krijoi epërsi të lehtë, kurse në të dytën ishte vazhdimisht para.

Enis Kuleta i shënoi 12 gola për Prishtinën. Nëntë i kishte Albi Gjuka, e tetë Altin Cacaj.

Te Vushtrria më efikasi ishte Egzon Ademi me 13 gola. Shtatë i shënoi Muhamed Halili, e gjashtë Armend Karaça.

Prishtina tani i ka dy humbje e një fitore. Vushtrria e pësoi humbjen e tretë.

comment Për komente lëvizni më poshtë
Sot mund të lexoni Shfletoni kopertinat