Kampionja e Kosovës, Istogu, është kualifikuar në rrethin e tretë të Kupës Evropiane në hendboll.
Vashat e Istogut me kryetrajnerin Faruk Sjala festojnë këtë kualifikim.
Istogu e ka eliminuar ekipin nga Greqia, AEP Panoarama.
Në ndeshjen e sotme barazuan 28:28 (16:15), por Istogu falë fitores në takimin e parë me 39:31 kualifikohen më tej.
Istogu ruan nderin e ekipeve të Kosovës në garat evropiane, për faktin se Shqiponja, Samadrexha dhe Ferizaj janë eliminuar nga kjo garë.
Përballja e sotme në palestrën në Banjë të Istogut, u karakterizua me rivalitet nga fillimi e deri në fund
Istogu e mbylli pjesën e parë me një gol epërsi (16:15),.
Istogu e nisi furishëm me rezultat 3:0 por në minutat vijues mysafirët konsoliduan radhët duke sfiduar vendasit.
Në minutën e 43-të Istogu ishte në epërsi me një gol (21:20) dhe pastaj barazohet (21:21).
Në minutën e 50-të Istogu rriti epërsinë në tre gola (25:22) dhe barazohet në 28:28 dy minuta pa përfunduar sfida, me të cilin rezultat mbyllet takimi.
Te Istogu u dalluan Christiny Aragon me 9 gola, Joendie Balotinelle me 8 dhe të ekipi grek Eleftheria Kouklotidou me 6 gola.