Istogu shënon rritje historike në ranglistën e skuadrave evropiane

Hendboll

Istogu shënon rritje historike në ranglistën e skuadrave evropiane

Nga: K.Goca Më: 7 tetor 2025 Në ora: 12:24
Klubi i hendbollit Istogu

Klubi i hendbollit Istogu ka shënuar rritje historike në ranglistën evropiane (femrat).

Kjo është ngritja më e lartë për një klub nga Kosova dhe që e lartëson edhe hendbollin e Kosovës.

Fitorja e fundit e kampiones së Kosovës (39:31) dhe barazimi (28:28) me Panoramën greke, e ka ngritur nga vendi 75-të në të 59-tin.

Kjo ngritje është falë lojërave të mira të vashave të kryetrajneritFaruk Shala.

Ranglistës i prin skuadra hungareze Gyori me 746 pikë, pasojnë Team Esbjerg me 677, Metz 650, Odense 616, Ferencvaros 548 pikë e Istogu është në vend të 59-të me 69 pikë sa ka edhe Paris 92 që gjendet në të 58-tin.

Të martën është tërhequr edhe shorti për raundin e tretë të Kupës Evropiane (EHF European Cup) për hendbolliste.

Në këtë raund garash paraqitet edhe kampioni i Kosovës, Istogu.

Istogu do të përballet me skuadrën e njohur portugeze, Madeira Andebol SAD.

comment Për komente lëvizni më poshtë
Sot mund të lexoni Shfletoni kopertinat