Kastrioti mposht Llapin dhe barazohet me pikë me Rahovecin

Hendboll

Kastrioti mposht Llapin dhe barazohet me pikë me Rahovecin

Më: 19 nëntor 2025 Në ora: 22:20
Kastrioti

Kastrioti ka shënuar fitore bindëse ndaj Llapit.

Të mërkurën mbrëma në palestrën “Bill Clinton”, skuadra ferizajase fitoi me rezultat 51:30.

Ndeshja ishte e mbetur dhe i takonte xhiros së pestë të Superligës së Kosovës në hendboll.

Cilësia ishte në anën e ferizajasve dhe kjo u bë e qartë që në pjesën e parë.

Adonit Isufi i realizoi dhjetë gola për Kastriotin. Tetë i kishte Felippe Teixeira, ndërsa Ledri Mustafa e ndihmoi fitoren me shtatë gola.

Fatlum Hasani dhe Etnik Bajoku i shënuan nga gjashtë gola për llapjanët, kurse nga pesë i realizuan Rifat Visoka dhe Endrit Havolli.

Kastrioti tani i ka 16 pikë nga nëntë ndeshje dhe mban vendin e dytë. Numër të njëjtë të pikëve dhe ndeshjeve të luajtura ka edhe Rahoveci në vendin e parë.

Llapi është i gjashti me gjashtë pikë nga nëntë ndeshje.

comment Për komente lëvizni më poshtë
Sot mund të lexoni Shfletoni kopertinat