Hendbollistja e talentuar Endiona Pireci i bashkohet ekipit nga Kastrioti, Tereza!
KHF Tereza po lufton për katër vendet e para në tabelën e klasifikimit në Superligën e Kosovës.
“Endiona Pireci, 18-vjeçarja nga Prizreni, është përforcimi më i ri i familjes sonë KHF Tereza.
Ajo vjen nga ekipi KHF Click, ku ka treguar përkushtim, disiplinë dhe potencial të madh në fushën e hendbollit.
E re në moshë, por e pjekur në lojë, Endiona sjell energji, ambicie dhe dëshirë për të dhënë maksimumin në çdo ndeshje.
Me punën dhe karakterin e saj sportiv, ajo është e gatshme të rritet dhe të kontribuojë në objektivat tona si klub”, ka njoftuar KHF Tereza.
Ekipi nga Kastrioti e mbylli vjeshtën në vend të pestë me 8 pikë të grumbulluara.