Kampionja vjeshtore Samadrexha është përforcuar me hendbolliste nga shtetet e jashtme për pjesën e dytë të kampionatit.
Samadrexha është më e vendosur se kurrë që të luftojë për titullin e kampionit dhe Kupën e Kosovës. Klub që e mbylli vjeshtën pa asnjë humbje, me gjithsej 8 fitore në Superligën e Kosovës.
“KHF Samadrexha ka kënaqësinë të njoftojë angazhimin e përforcimeve të reja për gjysmën e dytë të sezonit garues.
\Klubi ynë mirëpret zyrtarisht Yasemin, Elizabeth dhe Maia, të cilat nga sot do të jenë pjesë e ekipit tonë dhe do të kontribuojnë në realizimin e objektivave të klubit për këtë sezon.
Jemi të bindur se përvoja, cilësia dhe angazhimi i tyre do të jenë një vlerë e shtuar për skuadrën”, njofton KHF Samadrexha.