Gara në Superligën e Kosovës në hendboll (meshkujt) vazhdon me ndeshjet e xhiros së 17-të.
Një ndeshje është të mërkurën e tri të enjten.
Ndërkohë e gjithë vëmendja do të jetë në palestrën “Mizahir Isma” ku të enjten prej orës 20:00 zhvillohet derbi i xhiros.
Takohen Rahoveci dhe Besa Famgasi, dy skuadrat që synojnë titullin e kampionit.
Kampioni në fuqi, Rahoveci, është lider i klasifikimit me 28 pikë. 28 pikë i ka edhe Kastrioti në vendin e dytë. Besa Famgas, që ishte kampione vjeshtore, është e treta me 24 pikë, por me një ndeshje më pak të luajtur.
Besa e humbi paksa hapin me dy skuadrat e kreut, pas disfatës 25:20 nga Kastrioti të dielën në Pejë.
Të enjten janë edhe ndeshjet Trepça – Llapi (20:00) dhe Kastrioti – Vëllaznimi (18:30).
Xhiroja hapet me ndeshjen mes Vushtrrisë dhe Prishtinës, të mërkurën nga ora 20:00.
Vushtrria është e fundit, ende pa pikë. Prishtina i ka shtatë pikë në vendin e parafundit. I gjashti është Llapi me 11 pikë. Trepça i ka 12 pikë në vendin e pestë, kurse Vëllaznimi mban vendin e katërt me 16 pikë.