Të enjten mbrëma në Lisbonë është tërhequr shorti i kualifikimeve të rregullta për Kampionatin Evropian 2028 në konkurrencë të meshkujve në hendboll.
Pjesë e shortit ishte edhe Kombëtarja jonë, që kualifikimet i nisë prej kësaj faze.
Kosova do të garojë në Grupin 4, që vlerësohet shumë i vështirë.
Kundërshtare të Kombëtares sonë janë Hungaria nga vazoja e parë, Ishujt Faroe nga vazoja e dytë dhe Mali i Zi nga vazoja e tretë.
Kualifikimet fillojnë më 4/5 nëntor të këtij viti, ndërsa përfundojnë më 6 maj 2027.
Dy të parat e secilit grup kualifikohen në Evropian, së bashku me katër Kombëtaret më të mira të vendit të tretë prej tetë grupeve sa janë gjithsej.
Mali i Zi dhe Ishujt Faroe janë Kombëtare të njohura për Kosovën.
Me to jemi përballur së fundi.
Ndërkohë me Hungarinë do të luajmë për herë të parë.