Në fundjavë fillojnë ndeshjet evropiane të skuadrave nga Kosova

Hendboll

Në fundjavë fillojnë ndeshjet evropiane të skuadrave nga Kosova

Më: 10 shtator 2026 Në ora: 19:16
Foto ilustrim

Të shtunën skuadrat nga Kosova të hendbollit fillojnë një edicion të ri në skenën evropiane.

Do të jenë Besa Famgasi nga Peja dhe Vëllaznimi i Gjakovës që i luajnë ndeshjet e para në EHF European Cup për hendbollistë.

Në kuadër të raundit të parë të Kupës Evropiane, Besa Famgas e pret skuadrën greke, Ionikos. Kjo ndeshje luhet të shtunën nga ora 19:00 në palestrën “Karagaçi” në Pejë.

Ndeshja e kthimit është më 19 shtator në Athinë.

Vëllaznimi i Gjakovës është pajtuar që të dy ndeshjet t’i luajë në Estoni.

Të shtunën nga ora 13:00 në Tallin përballet me skuadrën Tallinna Mistra.

Ndeshja e dytë është menjëherë të dielën, po nga ora 13:00.

Kampioni në fuqi, Kastrioti, fillon prej raundit të dytë të Kupës Evropiane.

Te hendbollistet do të garojnë plot katër skuadra kosovare në gara kontinentale.

Sot mund të lexoni Shfletoni kopertinat