​Krasniqi: Ka rritje të rasteve COVID-19, respektoni masat që të mos cenojmë shërbimet shëndetësore

Kosova

​Krasniqi: Ka rritje të rasteve COVID-19, respektoni masat që të mos cenojmë shërbimet shëndetësore

Më: 4 mars 2021 Në ora: 12:40
Valbon Krasniqi

Është mbledhur sot komitetit për vlerësim të situatës epidemiologjike. Në këtë mbledhje drejtori i Shërbimit Spitalor Klinik-Universitar të Kosovës (ShSKUK), Valbon Krasniqi thotë se situata me pandeminë COVID-19 nga aspekti klinik në Qendrën Klinik Universitare të Kosovës (QKUK) dhe spitalet e tjera është e menaxhueshme por me tendencë të rritjeve të rasteve COVID-19.

Kransiqi tregoi se aktualisht janë 573 pacientë të infektuar me COVID-19 janë të shtrirë në spitalet e vendit, për cka thotë se është një rritje nga muajt paraprak.

“Situata nga aspekti klinik në QKUK dhe spitalet paraqitet e menaxhueshme me një tendencë të rritjes së rasteve të cilët kanë kërkuar spitalizim gjatë kohës së fundit. Nga mesi i javës së kaluar ka tendencë në rritje të rasteve dhe dje dhe sot kemi 573 paciente të shtrirë në klinikat tona e që paraqesin një rritje të 15 përqind të pacientëve të spitalizuar krahasuar me mesataren prej 500 sa kishim gjatë muajve të kaluar”, tregoi Krasniqi.

Me këtë rast Krasniqi tha se janë ndërmarr të gjitha masat të cilat janë paraparë me planin e menaxhimit të situatës me COVID-19. Megjithëkëtë ai thekson se në rast të rritjes së rasteve, atëherë do të rritet edhe numri i pacientëve për spitalizim e për çka duhet të kërkohen edhe shtretër shtesë nga klinikat e tjera.

“Ne kemi ndërmarr masat të cilat i kemi paraparë me planin e menaxhimit it COVID në aspektin klinik, duke përmirësuar furnizimin me oksigjen, duke riorganizuar stafin, personelin shëndetësor dhe duke krijuar hapësira gjegjësisht duke destinuar klinika dhe shtretër të rinj për pacientët e prekur nga COVID. Megjithatë duhet të jemi korrekt dhe se çdo rritje të numrit të rasteve të reja të infektuar që do të pasohet me rritjen e numrit të pacientëve që kërkojnë spitalizim, do të kërkoj që të rriten shtretërit dhe këta shtretër ne nuk i kemi shtesë por duhet t’i marrim nga shtretërit që janë të destinuar për sëmundje të tjera. Do të detyrohemi që të trajtojmë pacientët me COVID dhe të cenojmë shërbimet e tjera. Për të mos ndodhur kjo ne duhet të vazhdojmë me ngulmë të kërkojmë zbatimin e masave nga ana e qytetarëve, dhe mbikëqyrje të organizmave të këtyre masave si dhe të tërheqin vëmendjen se ende jemi në kohën e pandemisë dhe virusi nuk ka kaluar ende”, tha Krasniqi.

Më i ashpër në këtë takim ishte drejtori i Inspektoratit të Prishtinës, Adonis Tahiri i cili tha se pasojat e fushatës ende nuk po i shohim dhe se shpërndarja e virusit është zinxhirore .

“Dëmi i shkaktuar nga ajo fushate e turpshme ende nuk është duke u parë. Ato veprime tha se e kanë Humb legjitimitetin për inspektorët dhe Policinë e Kosovës. Tek kjo situata kemin ardhur nga vetë ata qe kanë nxjerr vendimet dhe ligjet nëpërkëmbja e punës njëvjeçare e inspektorëve dhe policëve te Kosovë. Dua ta ngrisë si shqetësim largimi i inspektorëve nga pakoja emergjente”, tha ai.

Shfaq komentet
comments powered by Disqus
Sot mund të lexoni Shfletoni kopertinat