Ministri në detyrë i Shëndetësisë, Armend Zemaj, ka uruar sot dy festa – atë të Mësuesit dhe Grave.
Në një postim në rrjetin social Facebook, ai e uroi Nënën e tij dhe gratë si dhe njoftoi se ka vizituar mësuesen e tij Hazbije Muhaxhirin me të cilën ka rikthyer kujtimet e shkollës fillore.
“Urime 8 Marsi për të gjitha nënat, bashkëshortet, bijat dhe motrat!
Nënë, faleminderit që për mua ishe edhe nënë edhe mësuese.
Andaj, sot t’i uroj dy festat edhe Ditën Nënës edhe Ditën e mësuesit. Përjetësisht falënderues.
Po ashtu, me mësuesen time, znj. Hazbije Muhaxhiri, me rastin e Ditës së Mësuesit, rikthyem kujtimet tona të shkollës fillore, në viziten që ja bëmë sot.
Gëzuar Ditën e mësuesit dhe nënës, nënë dhe mësuese!
Urime 8 Marsi!”, ka shkruar Zemaj në Facebook.