Ndahet nga jeta mjeku Bedri Bimbashi

Kosova

Ndahet nga jeta mjeku Bedri Bimbashi

Më: 16 maj 2021 Në ora: 19:31
Bedri Bimbashi

Në moshën 63-vjeçare pas një ataku kardiak, ka ndërruar jetë doktori Bedri Bimbash – njëherësh shefi i Repartit të Fiziatrisë në Spitalin Rajonal të Mitrovicës.

Oda e Mjekëve të Kosovës me këtë rast ka ngushëlluar familjen Bimbashi, kolegët dhe miqtë e të ndjerit.

Bedri Bimbashi, shërbimin në mjekësi e filloi në Skenderaj, në vitin 1985 deri në shtator 1999, në QKMF Skenderaj, në departamentin e emergjencës.

Ai ka shërbyer dhe gjatë luftës në QKMF dhe ambulanca në fshatra të ndryshme në Skenderaj, për t’iu ofruar ndihmë qytetarëve të kësaj ane.

Pas vitit 1999, Bimbashi, profesionin e zhvillon në Mitrovicë, në Spitalin Rajonal “Dr. Sami Haxhibeqiri”, në pozitën e mjekut fiziatër. Më pas zgjidhet edhe shef i repartit të Fiziatrisë, ku ka qenë i angazhuar deri tani.

Ndryshe, studimet për mjekësi e përgjithshme dhe specializimin për fiziatri i kreu në Fakultetin e Mjekësisë, Universiteti i Prishtinës. Në vitet 1982-1985 ligjëroi në Shkollën e Mesme të Mjekësisë në Mitrovicë, lëndët Anatomi dhe Farmakologji.

Varrimi i të ndjerit bëhet nesër në fshatin Llaushë të Skenderajt në orën 15:00.

Shfaq komentet
comments powered by Disqus
Sot mund të lexoni Shfletoni kopertinat